सल्यानको सदरमुकाम खलंगावाट ८ घण्टा पैदल यात्राको दुरीमा रहेको धार्मिक तथा पर्यटकीय स्थल कुमाख जिल्लाकै ठुलाे पहाड हो । यस पहाडको उचाई २५३७ मिटर रहेको छ । जीमाली,मर्मपरिकाँडा र शिद्धे्रश्वरी गाउँको क्षेत्रमा रहेको यस कुमाख पहाड,रमणीय पर्वतको टुप्पा सिद्ध मन्दिर छ । वन्द कोठाभित्र सिद्ध वस्दैनन् भन्ने जनविश्वास अनुरुप मन्दिरको छानो नवनाईएको पुजारीहरुको भनाईछ । यस मन्दिरमा प्रत्येक वर्षको विजयादशमी दिन देखी कोजाग्रत पुर्णिमा सम्म पुजा हुने गर्दछ । यहाँ पहिलोपटक जानेले सात पटक मन्दिरको परिक्रममा गरेर वर माग्ने र सो पुरा भएपछि भेडो वली चढाऊने प्रचलन छ । यस मन्दिरमा कहिले देखी पुजा गर्न थालियो भन्ने जानकारी कसैलाई छैन । जिजुवाजेले पुजा गरेको वाजेले थाहापाएको वाजेले पुजा गरेको आफुले थाहा पाएको डाँगीथरका पुजारीहरु वताऊछन् । जतुर्शी र कोजाग्रत पूर्णिमाका दिन करिव १ किमि तल जिमाली तर्फको समथर भू–भागमा सल्यान जिल्लाकै ठूलो मेला लाग्छ । सिद्ध मन्दिर देखि करिव १ कि.मि मर्मपरिकाकाँडा एउटा गुफा छ भने सिद्ध गुफा पनि यस गाउँपालिका वडा नं. ४ थदरामा रहेकाे छ ।
Website : http://kumakhmalikamun.gov.np/
Website link : http://kumakhmalikamun.gov.np/