Job Description

बहुसाँस्कृतिक मनोसामाजिक संस्था नेपाल (टि. पि. ओ. नेपाल) जिल्ला प्रशासन कार्यालय काठमाण्डौंमा दर्ता भई समाज कल्याण परिषदमा आवद्घ भएको मनोसामाजिक सु–स्वास्थ्य र मानसिक स्वास्थ्यको क्षेत्रमा कार्यरत एक गैरसरकारी संस्था हो । यस संस्थाले स्थापनाकाल देखि नै नेपालका विभिन्न जिल्लाहरूमा समुदायमा आधारित भई सामान्य तथा आकस्मिक अवस्थाहरूमा मनोसामाजिक सहयोग पु¥याउनुका साथै मनोसामाजिक तथा मानसिक स्वास्थ्यका विषयमा तालिम तथा अनुसन्धानका कार्यहरू पनि सञ्चालन गर्दै आइरहेको छ ।

हाल यस संस्थाले युनिसेफको सहयोगमा कणार्ली प्रदेशको जाजरकोट र रुकुम पश्चिम जिल्लाहरुका भूकम्प प्रभावित निम्न पालिकाहरुमा भूकम्प पश्चात रिकभरी अवस्थाका लागि बालबालिका, उनीहरुको स्याहारकर्ता तथा जोखिममा रहेका समुहहरुलाई प्रवर्धनात्मक तथा सहयोगात्मक क्रियाकलापहरुको माध्यमबाट मनोसामाजिक सु–स्वास्थ्य प्रवर्धन गर्न सञ्चालन हुन लागेको परियोजनाका लागि केही संख्यामा मनोविमर्शकर्ताहरुको आवश्यकता परेको हुँदा तल उल्लेखित योग्यता पुगेका व्यक्तिले तोकिएको मिति भित्र आवेदन पेश गर्नहुन अनुरोध गर्दछौँ ।

• भूकम्प पश्चातको अवस्थामा प्रभावित समुदायमा मनोसामाजिक सहयोगको आवश्यकता लेखाजोखा गर्ने ।
• बालबालिका, किशोरकिशोरी, उनीहरुको स्याहारकर्ता, शोकमा रहेका तथा जोखिममा रहेका व्यक्तिहरुलाई आवश्यकता अनुसार आघात केन्द्रित मनोविमर्श प्रदान गर्ने ।
• भूकम्प पश्चात समुदायको पूर्वाअवस्था ग्रहण गर्ने क्षमतालाई प्रवद्धर्न गर्न मनोसामाजिक सहयोग कार्यक्रम सञ्चालन गर्ने ।
• विपद् पश्चातको अवस्थामा उत्पन्न हुने विभिन्न मनोसामाजिक सवालहरुमा मनोसामाजिक सहयोग सम्बन्धी तालिम तथा अभिमुखिकरण सञ्चालन गर्ने ।
• सामुदायिक मनोसामाजिक कार्यकर्ताको सुपरिवेक्षण, अनुगमन तथा कार्यक्रम सञ्चालनमा आवश्यक सहयोग गर्ने ।
• परियोजनाका कार्यक्रम सञ्चालन गर्नका लागि स्थानीय तह, विद्यालय, अभिभावकसँग तथा अन्य सरोकारवाला निकायहरुसँग आवश्यक समन्वय तथा पैरवी गर्ने ।
• सुपरीवेक्षकसँग नियमित सुपरीवेक्षणमा सहभागी हुने ।
• सम्पन्न क्रियाकालापहरुको सुपरभाईजरलाई नियमित रुपमा प्रतिवेदन बुझाउने तथा जानकारी गराउने ।

• मनोपरामर्श मनोविज्ञानमा पोष्ट ग्राजुयट उत्तीर्ण अथवा कुनै पनि विषयमा स्नातक तह उत्तीर्ण गरी ६ महिने मनोविमर्श तालिम प्राप्त गरेको  ।
• समुदायमा बालबालिका तथा किशोरकिशोरीहरूसँग काम गरेको कम्तिमा १ वर्षको अनुभव भएको ।
• विपद्को अवस्थामा मानसिक स्वास्थ्य तथा मनोसामाजिक सहयोग कार्यक्रममा काम गरेको अनुभव भएको ।
• आघात तथा शोकमा रहेका व्यक्तिहरुसँग मनोसामाजिक सहयोग गरेको अनुभव भएको ।
• फरक सामाजिक परिवेशमा घुलमिल भई काम गर्न क्षमता भएको ।
• समन्वय तथा सहजिकरण क्षमता भएको ।
• कम्प्युटर सम्बन्धी राम्रो ज्ञान भएको । (Word, Excel, Power Point, email, Internet) राम्रोसँग चलाउन जान्ने ।
• स्थानीय परिवेशको ज्ञान भएको ।
• अभिलेखिकरण तथा प्रतिवेदन तयार गर्न सक्षम भएको ।

नोटः टि. पि. ओ. नेपाल आफ्नो जनशक्ति भित्र विविधता र समावेशीकरणका लागि प्रतिबद्ध छ साथै स्थानीय, अल्पसंख्यक, आदिवासी र अपाङ्गता भएका व्यक्तिहरूलाई आवेदन दिन प्रोत्साहित गर्दछ । सबै आवेदनहरूको गोपनीयता कायम गरिनेछ ।  टि. पि. ओ. नेपालले यौन शोषण र  दुर्व्यवहार, यौन उत्पीडन र भेदभाव लगायत कुनै पनि प्रकारको उत्पीडन सहन गर्दैन ।

x + − ⟲